اوورسیز پاکستانیوں کی اواز
چوہدری محمد اشرف ڈمیان
جمعیت علمائے اسلام ف(جے یو آئی) 21 مئی کو ملک بھر میں اسرائیل کی ریاستی دہشت گردی کے خلاف یوم فلسطین منائے گی ،احتجاجی مظاہروں کا شیڈول جاری کر دیاگیاجبکہ کارکنوں کو بھر پور تیاریوں کی ہدایت کی گئی ہے۔
مرکزی ترجمان جے یو آئی اسلم غوری کا کہناکہ مولانا فضل الرحمان پشاور میں خطاب کریں گے ،مرکزی سیکریٹری جنرل مولانا عبد الغفور حیدری راولپنڈی میں قیادت کریں گے ۔انہوں نے بتایا کہ جے یو آئی صوبہ سندھ کے سیکریٹری جنرل مولانا راشد محمود سومرو اور مرکزی سیکریٹری اطلاعات اسلم غوری کی قیادت میں کراچی میں احتجاجی مظاہرہ ہوگا ،لاہور میں احتجاجی مظاہرے کی قیادت مرکزی ڈپٹی سیکریٹری جنرل مولانا امجد خان کریں گے ،کوئٹہ میں مظاہرے کی قیادت جے یو آئی بلوچستان کے امیر مولانا عبدالواسع ایم این اے کریں گے ۔ترجمان نے کہا کہ سکھر میں مرکزی نائب امیر سائیں عبد القیوم ہالیجوی مظاہرے کی قیادت کریں گے ۔اسلم غوری نے کہا کہ کارکن بھر پور تیاری کریں ،پاکستانی عوام بھر پور انداز میں فلسطینی بھائیوں کے ساتھ اظہار یکجہتی کریں گے ،تمام خطبا سے اپیل ہے کہ وہ جمعہ اجتماعات میں مسئلہ فلسطین کو اجاگر کیا جائں۔ترجمان کا کہنا کہ مظاہرے اسلام آباد سمیت تمام اضلاع میں ہونگے ۔
0 comments:
ایک تبصرہ شائع کریں
جی اسلام علیکم اگر آپ کو ہماری پوسٹ آچھی لگی ہو
تو آپ پوست کو لایک کریں اور شٔیر کریں شکریہ