اوورسیز پاکستانیوں کی اواز
چوہدری محمد اشرف ڈمیان
مسلم لیگ ن کی ترجمان مریم اورنگزیب نے واضح کردیا ہے کہ حمزہ شہباز اور مریم نواز سے متعلق میڈ یا پر چلنے والی خبریں بے بنیاد ہیں ۔ مائیکرو بلاگنگ ویب سائٹ ٹوئٹر پر ان کا کہنا کہ میڈیا سے گزارش ہے کہ ایسے پراپیگنڈے سے اجتناب کرے اوراپنی ساکھ کو نقصان نہ پہنچائے ،پاکستان مسلم لیگ (ن) کو فرق نہیں پڑے گا لیکن ایسی من گھڑت خبروں سے میڈیا چینلز اور صحافی حضرات کی ساکھ متاثر ہوگی۔واضح رہے کہ نجی ٹی وی نے دعویٰ کیاتھا کہ مسلم لیگ ن کا خاندانی اجلاس ہوا جس میں شریف خاندان کے ارکان اور اہم پارٹی رہنماو¿ں نے شرکت کی۔ اجلاس میں مریم نواز، حمزہ شہباز، اسحاق ڈار اور نواز شریف بذریعہ ویڈیو لنک شریک ہوئے۔ مسلم لیگ ن کے اہم اجلاس میں نواز شریف اپنی صاحبزادی مریم نواز پر اس وقت برہم ہوگئے جب انہوں نے حمزہ شہباز کے طریقِ سیاست پر اعتراض کیاجس پر نواز شریف برہم ہوگئے اور انہیں کہا ’ خاموش ہوجاو اور حمزہ سے کچھ سیکھو‘۔ اجلاس کے دوران نواز شریف کئی بار برہم ہوئے اور سیٹ چھوڑ کر چلے گئے۔اجلاس کے دوران حمزہ شہباز نے مریم نواز کی ماضی کی بعض تقاریر کو تنقید کا نشانہ بنایا اور اس بات کو بھی ہائی لائٹ کیا کہ وہ طے شدہ فیصلوں سے ہٹ کر تقاریر کرتی ہیں۔حمزہ شہباز کا کہنا کہ اگر ہمیں اسی طرح سیاست کرنی ہے تو پارٹی تقسیم ہوجائے گی جس کا فائدہ دوسری جماعتوں کو ہوگا۔ انہوں نے مریم نواز سے کہا کہ سیاست میں میرے استاد نواز شریف ہیں۔
0 comments:
ایک تبصرہ شائع کریں
جی اسلام علیکم اگر آپ کو ہماری پوسٹ آچھی لگی ہو
تو آپ پوست کو لایک کریں اور شٔیر کریں شکریہ